paksahafat پاک صحافت
Related Articles
پاک صحافت اسرائیل نے غزہ شہر کے وسط میں یونانی آرتھوڈوکس سینٹ پورفیریس چرچ پر بمباری کی ہے جس کی عیسائی رہنماؤں کی طرف سے مذمت کی گئی ہے۔
جمعرات کو اسرائیلی فضائی حملے میں چرچ کو زمین بوس کر دیا گیا تھا اور یہاں پناہ لینے والے متعدد افراد شہید ہو گئے تھے۔
یروشلم میں مقیم یونانی آرتھوڈوکس پیٹریارکیٹ نے جمعہ کے روز کہا: گرجا گھروں، ان سے وابستہ اداروں اور بے گناہ شہریوں، خاص طور پر بچوں اور خواتین کی حفاظت کے لیے بنائے گئے پناہ گاہوں کو نشانہ بنایا جا رہا ہے۔ گزشتہ 13 دنوں کے دوران اسرائیل کے وحشیانہ حملوں میں ان معصوم لوگوں کے گھر تباہ ہو چکے ہیں۔ یہ ایک جنگی جرم ہے جسے نظر انداز نہیں کیا جا سکتا۔
اسرائیل کی بمباری سے اپنی جانیں بچانے کے لیے غزہ کے مسلمانوں اور عیسائیوں نے گرجا گھروں، مساجد، اسپتالوں اور ان سے متعلقہ اداروں میں پناہ لے رکھی ہے لیکن اسرائیل ان پر بم گرا رہا ہے۔
یونانی آرتھوڈوکس سینٹ پورفیریئس چرچ دنیا کا تیسرا قدیم ترین چرچ ہے۔ یہ پہلی بار 425 میں تعمیر کیا گیا تھا، لیکن موجودہ عمارت 12 ویں صدی میں تعمیر کی گئی تھی۔
فلسطین میں گرجا گھروں کی اعلیٰ کمیٹی کے سربراہ رمزی خوری نے کہا ہے کہ اس طرح کے حملے ظاہر کرتے ہیں کہ اسرائیل فلسطینیوں کو مکمل طور پر ختم کرنا چاہتا ہے۔
انہوں نے کہا کہ عبادت گاہوں پر حملے جنگی جرائم اور بین الاقوامی قوانین کی صریح خلاف ورزی ہیں۔
اس کے علاوہ اسرائیل نے ایک اور مسجد العمری کو بھی بمباری کرکے مسمار کردیا ہے۔ اس سے پہلے اسرائیل کئی مساجد کو مسمار کر چکا ہے۔
