paksahafat پاک صحافت
Related Articles
اسلام آباد (پاک صحافت) جماعت اسلامی پاکستان نے مہنگائی کم نہ ہونے کی صورت میں اسلام آباد میں فیصلہ کن دھرنے کا اعلان کیا ہے۔ ترجمان جماعت اسلامی کا کہنا ہے کہ اگر قیمتوں میں مزید کمی نہ ہوئی تو جماعت اسلامی اسلام آباد میں فیصلہ کن دھرنے کا اعلان کرے گی۔
تفصیلات کے مطابق ترجمان جماعت اسلامی نے کہا کہ ساڑھے تین سالوں میں مہنگائی نے عام آدمی کا تیل نکال دیا، حکومت کی طرف سے پیٹرول فی لیٹر پر ٹیکس اور چارجز اس کی اصل قیمت سے زیادہ ہیں۔ ترجمان جماعت اسلامی نے یہ بھی کہا ہے کہ وزیر اعظم عوام کو بھیک نہیں ریلیف دیں۔
واضح رہے کہ ترجمان جماعت اسلامی کا کہنا تھا کہ دوسری اشیا کی قیمتیں پیٹرول بڑھنے کے باعث آسمان سے باتیں کر رہی ہیں ، اپنی آمدن کے اعتبار سے خطے میں مہنگی ترین بجلی استعمال کر رہے ہیں۔ جماعت اسلامی مہنگائی ، بے روزگاری اور کرپشن کے خلاف تحریک میں مزید تیزی لائے گی، قیمتیں مزید کم کروانے کے لیے حکومت پر عوامی پریشر بڑھا رہے ہیں۔
