paksahafat پاک صحافت
Related Articles
اسرائیلی ذرائع ابلاغ نے انکشاف کیا ہے کہ امریکی صدر ڈونلڈ ٹرمپ اپنے اقتدار کے آخری دنوں میں فلسطینی قوم کے خلاف ایک نہایت ہی خطرناک فیصلہ کرکے جانے والے ہیں جس کے پیش نظر اسرائیلی فوج کے زیرانتظام سول انتظامیہ کی نام نہاد “سپریم کونسل فار پلاننگ اینڈ کنسٹرکشن” کی جانب سے امریکی صدر جو بائیڈن کے اقتدار سنبھالنے سے قبل ہی مقبوضہ مغربی کنارے میں بڑے پیمانے پر تعمیراتی منصوبے شروع کرنے کا فیصلہ کیا گیا ہے۔
عبرانیٹی وی چینل ’11’ نے رپورٹ میں بتایا ہے کہ یہودی کنسٹرکشن کونسل آبادکاروں کی بستیوں میں تعمیراتی کاموں کو حتمی شکل دینے کے لیے اگلے جمعرات کو اہم اجلاس منعقد کرے گی۔
یہ پہلا موقع ہے جب قابض حکومت نے جو بائیڈن کے امریکا میں صدر منتخب ہونے کے بعد مغربی کنارے میں آبادکاری کی منظوری دی ہے، کیونکہ اسرائیل میں یہ تاثر پایا جاتا ہے کہ جو بائیڈن کا عرصہ سابق امریکی صدر باراک اوباما کی مدت کی طرح ہی ہوسکتا ہے جس میں فلسطین میں یہودی آباد کارے کے خلاف امریکی موقف میں سختی آسکتی ہے۔
