paksahafat پاک صحافت
Related Articles
کیف {پاک صحافت} یوکرائنی حکام کا کہنا ہے کہ ہفتے کے روز ماریوپول شہر پر روس کی بمباری میں ایک مسجد کو نقصان پہنچا ہے۔
یوکرین کی وزارت خارجہ نے ایک ٹویٹ میں دعویٰ کیا کہ روس نے ماریوپول میں سلطان مسجد پر بمباری کی۔
تاہم یوکرین کی وزارت خارجہ نے روس کے حملے سے ہونے والے کسی نقصان کے بارے میں کوئی تفصیلات نہیں بتائیں۔
روس نے یوکرین کے حکام کی جانب سے شہری اہداف کو نشانہ بنانے کے دعوؤں کو مسترد کرتے ہوئے کہا ہے کہ وہ یوکرین میں ملک میں بڑھتی ہوئی نازی ازم اور نیٹو کے بڑھتے ہوئے خطرے سے نمٹنے کے لیے خصوصی فوجی آپریشن کر رہا ہے۔
دریں اثناء روس اور یوکرین کے درمیان ثالثی کی کوشش کرنے والے صیہونی وزیراعظم نے یوکرین کے صدر ولادیمیر زیلنسکی سے ٹیلی فون پر بات کی اور ماسکو کی شرائط ماننے کی پیشکش کی جسے زیلنسکی نے مسترد کر دیا۔
یوکرین میں صدر کے قریبی ذرائع کا کہنا ہے کہ صدر نے نفتالی بینیٹ کی بات سن کر صرف اتنا کہا: میں نے آپ کی بات سنی، آپ کا شکریہ۔ لیکن جب صیہونی وزیر اعظم نے اپنی تجویز پر اصرار کیا تو یوکرین کے صدر نے جواب دیا: آپ کی تجویز کا مطلب یہ ہے کہ ہم ماسکو کے سامنے گھٹنے ٹیک دیں۔
