paksahafat پاک صحافت
Related Articles
پاک صحافت تائیوان میں ایک مسافر ٹرین پٹریوں پر گاڑی سے ٹکرا گئی اور جزوی طور پر پٹری سے اتر گئی جس کے نتیجے میں 34 افراد ہلاک اور درجنوں زخمی ہوگئے۔
غیر ملکی خبررساں ادارے کے مطابق مقامی پولیس نے بتایا کہ کم از کم 34 افراد ہلاک اور درجنوں زخمی ہوئے ہیں۔ تاہم یہ تعداد بڑھ بھی سکتی ہے۔
یہ حادثہ عام تعطیل کے موقع پر صبح 9 بجے کے قریب ٹورکو گورج کے قدرتی علاقے کے قریب پیش آیا۔ ہوئلن کاؤنٹی کے عہدیداروں نے بتایا کہ امدادی سرگرمیاں جاری ہیں۔ ٹرین میں 350 مسافر سوار تھے۔
اطلاعات کے مطابق ایک پبلک گاڑی پہاڑ سے گر کر پٹریوں پر آگئی تھی جہاں سرنگ سے نکلی ٹرین اس سے ٹکرا گئی۔ ٹرین کا زیادہ تر حصہ ابھی بھی سرنگ میں پھنس ہوا ہے اور سرنگ میں پھنسے حصے میں بچ جانے والے مسافر ٹرین کی کھڑکیوں اور چھت پر حفاظتی عملے کے منتظر ہیں موجود ہیں۔
یہ حادثہ چار روزہ ٹامب سویپنگ تہوار کے پہلے دن ہوا ہے، یہ ایک سالانہ مذہبی تہوار ہے جب لوگ خاندانی اجتماعات میں شرکت اور اپنے آباؤ اجداد کی قبروں پر عبادت کے لئے اپنے آبائی شہر جاتے ہیں۔
واضح رہے کہ تائیوان کا آخری سب سے بڑا ریل حادثہ اکتوبر 2018 میں ہوا تھا جب شمال مشرقی ساحل پر ایک ایکسپریس ٹرین پٹری سے اتر گئی تھی جس میں کم از کم 18 افراد ہلاک اور 200 کے قریب زخمی ہوئے تھے۔
