paksahafat پاک صحافت
Related Articles
کراچی (پاک صحافت) سابق گلوکارہ رابی پیرزادہ کا کہنا ہے کہ ہم بحیثیت معاشرہ تنزلی کی طرف گامزن ہیں کیونکہ ہم ایسے مردوں کو آئیڈیل بنا رہے ہیں جو خواتین کی نقل کرتے ہیں اور دوسری جانب خواتین رقص کرکے مشہور ہو رہی ہیں۔
تفصیلات کے مطابق حال ہی میں ایک ڈیجیٹل پلیٹ فارم کے لیے ریکارڈ کیے گئے شو میں رابی پیرزادہ نے شرکت کی۔ اس دوران انہوں نے کہا کہ ہم خود اپنا معاشرہ خراب کر رہے ہیں اور ہم خود لوگوں کو وائرل کر دیتے ہیں۔ جو لڑکے خواتین کی طرح باتیں کرتے ہیں ہم انہیں ایک ایک سطح پر لے جاتے ہیں کہ لوگ ان سے متاثر ہونے لگتے ہیں اور جو خواتین ڈانس کرتی ہیں ہم انہیں وائرل کر دیتے ہیں۔
واضح رہے کہ سابق گلوکارہ رابی پیرزادہ نے مزید کہاکہ ہم خود اپنے معاشرے کو آنے والی نسل کے لیے زہریلا کر رہے ہیں، ہماری آئیڈیل رقص کرنے والی خواتین ہیں، ہم اپنا معاشرہ خود خراب کر رہے ہیں۔ خیال رہے کہ ماضی میں مختلف تنازعات سے گزر کر شوبز کو خیر باد کہنے والی سابقہ گلوکارہ رابی پیرزادہ اب ایک فلاحی ادارہ چلا رہی ہیں۔
