رابی پیززادہ

لاہور اسکول واقعہ، رابی پیرزادہ کا غم و غصے کا اظہار

لاہور (پاک صحافت) سابق گلوکارہ رابی پیر زادہ نے بھی لاہور کے نجی اسکول میں طالبہ پر اس کی ساتھیوں کے تشدد کے واقعے پر غم و غصے کا اظہار کرتے ہوئے کہا کہ لاہور میں پیش آنے والے واقعے میں والدین کی تربیت میں کمی نظر آرہی ہے۔رابی پیرزادہ نے کہا کہ ہمارے معاشرے میں جب بھی کوئی ایسا واقعہ ہوتا ہے تو انصاف عدالتوں سے نہیں ملتا۔

تفصیلات کے مطابق اپنے ٹوئٹر اکاؤنٹ پر ایک ویڈیو بیان میں رابی پیرزادہ نے کہا کہ سب سے پہلی بات یہ ہے کہ انصاف گھر سے ملے، بچہ باہر کوئی ایسی حرکت کر کے آئے تو والدین کی ذمہ داری بنتی ہے کہ اسے سمجھائیں اور ایسی حرکتیں کرنے سے منع کریں۔انہوں نے کہا کہ ہمارے معاشرے میں والدین بچوں کو ان کی غلطیوں پر سمجھانے کے بجائے انہیں حوصلہ دیتے ہیں، جس کی وجہ سے چھوٹی چھوٹی غلطیاں ہوتی ہیں اور کسی دن بڑا واقعہ رونما ہوجاتا ہے۔

واضح رہے کہ سابق گلوکارہ  رابی پیرزادہ نے مزید کہا کہ آج کل کے دور میں نوجوانوں کی بربادی کی سب سے بڑی وجہ موبائل اور انٹرنیٹ ہے، کیونکہ ان میں ٹارچر کے طریقے دکھائے جاتے ہیں، والدین کو چاہیے کہ اپنے بچوں کے موبائل اکثر چیک کیا کریں۔

یہ بھی پڑھیں

عفت عمر

عفت عمر نے خود پر ہونے والی تنقیدوں اور طعنوں کا منہ توڑ جواب دیدیا

(پاک صحافت) پاکستان شوبز انڈسٹری سے تعلق رکھنے والی سینیئر اداکارہ و میزبان عفت عمر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے