paksahafat پاک صحافت
Related Articles
کراچی (پاک صحافت) فہد مصطفیٰ اور ماہرہ خان نے انٹرنیٹ پر آگ لگادی ہے۔ خیال رہے کہ فہد مصطفیٰ اور ماہرہ خان کی آنے والی فلم “قائدِ اعظم زندہ باد” کا پہلا جوش سے بھرپور رومانوی گانا ریلیز ہوچکا ہے۔ پاکستان کے معروف ستارے فہد مصطفیٰ اور ماہرہ خان اسکرین پر ایک بار پھر ساتھ آرہے ہیں، جب کہ جوڑی اپنے بہت سے متوقع پروجیکٹ کی ریلیز سے قبل خبروں میں ہے۔
تفصیلات کے مطابق ماہرہ نے انسٹاگرام پر کی گئی تازہ ترین پوسٹ میں مداحوں کے ساتھ پردے کے پیچھے کے مناظر شئیر کیے ہیں۔ پوسٹ کے کیپشن میں انہوں نے لکھا، “کیا آپ لوٹا رے کے لیے تیار ہیں؟” ویڈیو میں ماہرہ اور فہد مصطفیٰ کو گانے کے جوشیلے پن سے محظوظ ہوتے دیکھا جاسکتا ہے۔
واضح رہے کہ گانے کی پہلی جھلک میں فہد مصطفیٰ ایک پولیس اہلکار کے طور پر تاؤ دی ہوئی مونچھوں، بھاری ڈولوں کے ساتھ نظر آئے جب کہ ماہرہ کو ایکشن مومنٹ میں دیکھا گیا۔ معروف جوڑی نے اچھی کیمسٹری کا مظاہرہ کیا ہے۔ لوٹا رے ایک بہت ہی رنگین اور پرلطف ٹریک ہے، جس میں لیڈ جوڑی متاثر کن کیمسٹری سے بھرپور ہے، لوٹا رے بڑے پیمانے پر ‘گانے اور ناچنے’ کی ثقافت کا ایک متحرک ڈسپلے ہے۔
