paksahafat پاک صحافت
Related Articles
پاک صحافت غزہ میں صیہونی حکومت کے جاری حملوں اور فلسطینی فورسز کی مزاحمت کے دوران 500 سے زائد اسرائیلی فوجی نفسیاتی طور پر بیمار ہو گئے۔
اسرائیلی اخبار ھاآرتض نے منگل کو اپنی ایک رپورٹ میں لکھا ہے کہ غزہ جنگ میں حصہ لینے کے بعد 500 سے زائد اسرائیلی فوجی ذہنی اور نفسیاتی طور پر بیمار ہو گئے اور مختلف ہسپتالوں میں زیر علاج ہیں۔
اسرائیلی طبی ذرائع نے اس سے قبل کہا تھا کہ غزہ میں جاری لڑائی میں زخمی ہونے والے اسرائیلی فوجی نفسیاتی پیچیدگیوں کا شکار ہیں۔
والہ نیوز ایجنسی نے زخمی فوجیوں کے اہل خانہ کے حوالے سے بتایا ہے کہ غزہ میں فلسطینی فورسز کی جانب سے کی جانے والی شدید مزاحمت کے باعث اسرائیلی فوجی شدید نفسیاتی مسائل کا شکار ہو گئے ہیں۔
اسپتال ذرائع کا کہنا ہے کہ یہ زخمی فوجی ذہنی طور پر اتنے بے چین ہیں کہ وہ سو نہیں پا رہے ہیں اور انہیں سونے کے لیے نیند کی گولیاں دینا پڑ رہی ہیں۔
اسرائیلی فوج نے کہا ہے کہ 7 اکتوبر کی کارروائی سے اب تک 464 اسرائیلی فوجی ہلاک ہو چکے ہیں جب کہ غزہ میں زمینی کارروائی کے آغاز سے اب تک ہلاک ہونے والے صہیونی فوجیوں کی تعداد 132 اور زخمیوں کی تعداد 719 ہے۔
لیکن اسرائیلی میڈیا نے اپنی تحقیقاتی رپورٹس میں کہا ہے کہ ہلاک اور زخمی ہونے والے اسرائیلی فوجیوں کی تعداد اس سے کہیں زیادہ ہے۔ ان کا کہنا ہے کہ چند دنوں میں لوگ دیکھیں گے کہ اسپتالوں سے بڑی تعداد میں لاشیں آئیں گی۔
100 کے قریب اسرائیلی فوجیوں کی بینائی سے محروم ہونے کی اطلاع ہے۔
