paksahafat پاک صحافت
Related Articles
لاہور (پاک صحافت) سابق وزیرِ اعظم شہباز شریف کا کہنا ہے کہ الیکشن میں بھرپور تیاری کے ساتھ اتریں گے۔ خیال رہے کہ لاہور میں مسلم لیگ ن کے صدر شہباز شریف سے پارٹی رہنماؤں اور سابق ارکان قومی اسمبلی نے ملاقات کی۔
تفصیلات کے مطابق ملاقات کرنے والوں مین علی پرویز ملک، قاسم نون، مظہر اقبال اور سلمان خان شامل تھے۔ ملاقات میں تنظیمی امور اور انتخابات کی تیاریوں کے حوالے سے گفتگو کی گئی۔ شہباز شریف نے انتخابی تیاریوں کے لیے پارٹی رہنماؤں اور کارکنوں کے جذبے کو سراہا۔
واضح رہے کہ اس موقع پر گفتگو کرتے ہوئے شہباز شریف نے کہا کہ اللّٰہ تعالیٰ کے فضل اور عوام کے اعتماد سے الیکشن میں کامیابی حاصل کریں گے۔ انہوں نے کہا کہ مسلم لیگ ن کی کامیابی پاکستان کو مسائل سے نجات دلانے کے لیے اہم ہے۔ شہباز شریف کا کہنا ہے ک عوام مسلم لیگ کو دوتہائی اکثریت دے، دہشت گردی کی طرح مہنگائی کی کمر توڑ دیں گے۔
