paksahafat پاک صحافت
Related Articles
اسلام آباد (پاک صحافت) مولانا فضل الرحمن کا کہنا ہے کہ ہم ملک میں عدالت کی قدر و منزلت بحال کرنا چاہتے ہیں۔
تفصیلات کے مطابق پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے سپریم کورٹ کے باہر پی ڈی ایم دھرنے سے خطاب کرتے ہوئے کہا ہے کہ آج اسلام آباد میں عوام کی عدالت لگی ہے، اب فیصلہ پاکستان کے عوام نے کرنا ہے۔ کسی کو انصاف کی ذمہ داری ہو تو ہر فریق کو ایک جیسی توجہ دینی چاہیے۔
مولانا فضل الرحمن کا مزید کہنا تھا کہ آج اس تاریخی اجتماع نے بتا دیا کہ فیصلہ عوام کو کرنا ہے۔ آئے ناں کوئی ہمت کرے یہاں کسی پر حملہ کرنے کی، ساری پولیس اور رینجرز ہٹ جائے ہم اس عمارت کی حفاظت کریں گے۔ کوئی مائی کا لعل میلی آنکھ سے بھی اس عمارت کو نہیں دیکھ سکے گا۔
انہوں نے کہا کہ ہم عدلیہ کا احترام کرنے پر یقین رکھتے ہیں، اسلام نے عدل و انصاف کا حکم دیا ہے۔ پنجاب اور خیبرپختونخوا کی اسمبلیاں نہ توڑی جاتیں تو آج بحران نہ ہوتا۔
