paksahafat پاک صحافت
Related Articles
لاہور (پاک صحافت) مسلم لیگ ق کے سربراہ چوہدری شجاعت نے ق لیگ پنجاب کے صدر چوہدری پرویز الہی کو پارٹی عہدے سے برخاست کردیا جبکہ ان کی بنیادی رکنیت بھی خارج کردی گئی ہے۔
تفصیلات کے مطابق مسلم لیگ ق کے سربراہ چوہدری شجاعت حسین نے کہا ہے کہ پرویز الہی کی رکنیت غیر آئینی اجلاس طلب کرنے کے باعث برخاست کی گئی ہے۔ اس حوالے سے پرویز الہی کو 16 جنوری کو نوٹس بھیجا گیا تھا جس کا انہوں نے جواب نہیں دیا۔
چوہدری شجاعت کا مزید کہنا ہے کہ پرویز الہی کی جانب سے مسلم لیگ ق کو کسی دوسری جماعت میں ضم کرنے کا بیان بھی دیا گیا، ان کی بنیادی رکنیت پارٹی ایکٹ 2006 کے تحت برخاست کی گئی ہے۔ پارٹی کے ترجمان مصطفی ملک نے پرویز الہی کی پارٹی رکنیت ختم ہونے کی تصدیق کی ہے اور کہا ہے کہ پرویز الہی کو آئندہ مسلم لیگ ق کا نام استعمال کرنے سے روک دیا گیا ہے۔
Short Link
Copied
