paksahafat پاک صحافت
Related Articles
اسلام آباد (پاک صحافت) شاہد خاقان عباسی کا کہنا ہے کہ تحریک انصاف شوق سے اسمبلیاں تحلیل کرے۔
تفصیلات کے مطابق مسلم لیگ ن کے رہنما اور سابق وزیراعظم شاہد خاقان عباسی نے نجی ٹی وی چینل کے پروگرام میں گفتگو کرتے ہوئے کہا ہے کہ پنجاب میں ن لیگ کے پاس اکثریت کے لیے بہت کم فرق ہے، جسے پورا کیا جاسکتا ہے۔ تحریک انصاف اسمبلیاں تحلیل کرنا چاہتی ہے تو شوق سے کرلے، پی ٹی آئی کو دو صوبوں میں الیکشن کا شوق ہے تو اسے ضرور پورا کرنا چاہیے۔
شاہد خاقان عباسی کا مزید کہنا تھا کہ نواز شریف علاج کروا رہے ہیں، وہ اپنے وقت پر واپس آجائیں گے، ن لیگی قائد کو تاحیات نااہل کیا گیا سیاست سے باہر کیا گیا، آج بھی وہ سیاست کا محور ہیں۔ انہوں نے استفسار کیا کہ کسی کے پاس گارنٹی ہے کہ الیکشن سے سیاسی استحکام آجائے گا؟ مفتاح اسماعیل نے حقائق سامنے رکھے ہیں کہ ملک کے حالات مشکل ہیں۔ سابق وزیراعظم نے کہا کہ یہ تمام خرابیاں عمران خان کی پیدا کردہ ہیں، آج معاملات کا حل الیکشن میں نہیں استحکام میں ہے۔
