paksahafat پاک صحافت
Related Articles
کراچی (پاک صحافت) پاکستان پیپلز پارٹی کے رہنما اور وزیر بلدیات سندھ سید ناصر حسین شاہ کا کہنا ہے کہ پی ٹی آئی حکومت کے دن گنے جا چکے ہیں۔ ان کا کہنا ہے کہ بلاول بھٹو کا مارچ گرتی دیوار کو آخری دھکا ثابت ہوگا، پیپلز پارٹی ہمیشہ جمہوری اور ٹیبل ٹاک کی بات کرتی ہے۔
تفصیلات کے مطابق وزیر بلدیات سندھ سید ناصر حسین شاہ نے جاری بیان میں کہا ہے کہ وزیر اعظم بوکھلاہٹ کا شکار ہیں، نااہل وفاقی حکومت کی وجہ سے 70 سال میں سب سے زیادہ مہنگائی ہوئی ہے۔ ماضی میں 25 ہزار ارب ان کے دور میں 46 ارب روپے تک پہنچ گیا، ٹرانسپیرنسی انٹرنیشنل نے ان کی ایمانداری کا بھانڈا پھوڑ دیا ہے۔
واضح رہے کہ ناصر شاہ نے مزید کہا کہ مہاجر، سنڈھی، پٹھان پنجابی کی بات کرنے والوں کے بھی دن گنے جا چکے ، پیپلز پارٹی کبھی لسانیت کی سیاست نہیں کرتی ہمیں سب کا احترام ہے۔ جب تک پی ڈی ایم بلاول بھٹو زرداری کے وژن کے مطابق کام کرتی رہی کامیابیاں ملیں ، ہم نے ہی وزیر اعظم کو ان کے حلقہ میں شکست دی یوسف رضا گیلانی کو بھی کامیاب کروایا۔
