paksahafat پاک صحافت
Related Articles
اسلام آباد (پاک صحافت) شہباز شریف کا کہنا ہے کہ عمران خان کی جانب سے نیب آرڈیننس میں ترمیم نیب نیازی گٹھ جوڑ کی شیطانی ذہنیت کا واضح مظہر اور ثبوت ہے۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے کہا ہے کہ عمران خان نے نیب آرڈیننس میں تیسری ترمیم کے ذریعے خود کو اور اپنی نااہل و نالائق حکومت کو این آر او دیا ہے۔ جس کا مقصد اپوزیشن کو سیاسی انتقام کا نشانہ بنانا ہے۔
صدر ن لیگ شہباز شریف کا مزید کہنا ہے کہ اگر اس بارے میں کوئی شک تھا کہ نیب نیازی گٹھ جوڑ نے اپوزیشن کو نشانہ بنانے کے لیے کس طرح کام کیا ہے تو یہ ترمیم اس شیطانی ذہنیت کا واضح مظہر ہے۔ اب سب کے سامنے عمران خان اور نیب کا گھناونا چہرہ بے نقاب ہوچکا ہے۔
Short Link
Copied
