paksahafat پاک صحافت
Related Articles
کراچی (پاک صحافت) مشیر زراعت منظور وسان نے کہا ہے کہ عمران نے جو احتساب کا شوشہ چھوڑا تھا اسی احتساب سے اب خود ڈر رہے ہیں۔ مشیر زراعت کا کہنا ہے کہ پی ٹی آئی ایسی پارٹی ہے جو جلدی بنتی ہے اور جلدی ٹوٹ جاتی ہے۔
تفصیلا ت کے مطابق مشیر زراعت منظور وسان نے کہا ہے کہ عمران حکومت میں ڈالر مہنگا ہوا، لوگوں کو نہ گھر ملے اور نہ ہی نوکریاں ملیں۔ جو عمران خان کی 2011 میں پوزیشن تھی اسی پوزیشن میں واپس جارہے ہیں، یہ کسی بھی مقصد میں کامیاب نہیں ہوئے۔
واضح رہے کہ منظور حسین نے بلدیاتی اور عام انتخابات کے متعلق اپنے جاری کردہ بیان میں کہا کہ عام انتخابات 2023 میں ہونگے۔ انہوں نے نے مزید کہا کہ اتحادیوں نے مشکل حالات میں اسی لیے حکومت لی کہ عام انتخابات کون کراتا، مہنگائی ملک میں دو سال سے ہے، مہنگائی پر بہت جلد کنٹرول ہوجائیگا۔
Short Link
Copied
