paksahafat پاک صحافت
Related Articles
اسلام آباد (پاک صحافت) سپریم کورٹ آف پاکستان میں صدرِ مملکت ڈاکٹر عارف علوی کو عہدے سے برطرف کرنے کی درخواست دائر کر دی گئی۔ خیال رہے کہ صدرِ مملکت کو برطرف کرنے کی یہ درخواست شہری چوہدری محمد امتیاز نے دائر کی ہے۔
تفصیلات کے مطابق درخواست میں استدعا کی گئی ہے کہ ڈاکٹر عارف علوی صدر کے عہدے کے اہل نہیں رہے، سپریم کورٹ صدرِ مملکت کو فوری طور پر عہدے سے برطرف کر دے۔ درخواست گزار نے مؤقف اختیار کیا ہے کہ صدر ایک سیاسی جماعت سے منسلک اور جانبدار ہیں۔
واضح رہے کہ درخواست گزار نے دائر درخواست میں موقف اختیار کیا ہے کہ صدر عارف علوی نے حکومت کی قانون سازی کو سیاسی جماعت کے چیئرمین کے کہنے پر منظور نہیں کیا۔ یاد رہے کہ درخواست گزار کی جانب سے صدرِ مملکت ڈاکٹر عارف علوی کو فریق بنایا گیا ہے۔
Short Link
Copied
