paksahafat پاک صحافت
Related Articles
لاہور (پاک صحافت) شہباز شریف اور مولانا فضل الرحمن نے ملک کو مہنگائی اور بے روزگاری کے دلدل سے نکالنے کے لئے فوری صاف و شفاف انتخابات کروانے کا مطالبہ کیا ہے۔
تفصیلات کے مطابق پی ڈی ایم کے سربراہ مولانا فضل الرحمن نے مسلم لیگ ن کے صدر اور اپوزیشن لیڈر شہباز شریف سے ایک اہم ملاقات کی ہے۔ جس کے بعد ذرائع ابلاغ کے نمائندوں سے گفتگو کرتے ہوئے کہا ہے کہ جلد از جلد انتخابات تمام اپوزیشن کا مطالبہ ہے۔
شہباز شریف نے اپنی گفتگو میں مزید کہا ہے کہ مہنگائی کے خلاف ہمارا مارچ ضرور ہوگا اس نااہل حکومت سے عوام کو نجات دلائیں گے۔ مولانا فضل الرحمن کا کہنا تھا کہ ملک میں فوری انتخابات سب کا مطالبہ ہے۔ سولہ اکتوبر فیصل آباد میں ایک بڑا تاریخی اجتماع ہوگا۔ اکتیس اکتوبر کو ڈیرہ غازی خان میں بڑا جلسہ ہوگا۔ پی ڈی ایم اپنے اہداف اور مقاصد کیلئے سنجیدہ اور متحرک ہے۔
