paksahafat پاک صحافت
Related Articles
راولپنڈی (پاک صحافت) حنیف عباسی کا کہنا ہے کہ آئندہ ماہ سے پنجاب میں پھر سے مسلم لیگ ن کی حکومت ہوگی۔
تفصیلات کے مطابق مسلم لیگ ن کے رہنما حنیف عباسی نے ذرائع ابلاغ کے نمائندوں سے گفتگو کرتے ہوئے کہا ہے کہ وزیراعظم شہبازشریف کے حکم پر ون بلینکٹ موومنٹ شروع کی ہے، سیلاب زدہ علاقوں میں گھر بننے شروع ہوگئے ہیں۔ شوخیاں بھگارنے والے امریکا اور روس کی بات کرتے ہیں، یہ لوگ مکر و فریب کرتے ہیں۔
حنیف عباسی کا مزید کہنا تھا کہ کل راولپنڈی میں انتشار خان کا ایک فنکشن ہوا، اس بندے کو پاکستان سے کوئی غرض نہیں ہے کہتا ہے میں نہیں تو ملک پر بم گرا دیں۔ اسلام آباد کسی کو فتح نہیں کرنے دیا جائے گا، نہ پہلے کرنے دیا گیا تھا نہ اب کرنے دیا جائے گا، یہ کوئی طریقہ نہیں کہ سرکاری عمارتوں پر حملہ کیا جائے، حالات یہ ہیں کہ اپنے ساتھیوں پر اعتماد نہیں، لوگوں سے حلف لے رہے ہیں۔ انہوں نے کہا کہ دسمبر میں نواز شریف اپنے لوگوں کے درمیان موجود ہوں گے۔
