paksahafat پاک صحافت
Related Articles
اسلام آباد (پاک صحافت) وزیراعظم شہباز شریف کا کہنا ہے کہ ہم دن رات کوشش کر رہے ہیں کہ معاشی صورت حال بہتر ہو۔
تفصیلات کے مطابق وزیراعظم شہباز شریف نے قومی اسمبلی اجلاس میں اظہار خیال کرتے ہوئے کہا ہے کہ عالمی مالیاتی فنڈ (آئی ایم ایف) کی شرط پوری ہونےکے باوجود ہمارے فارن ایکسچینج ریزروز بہت محدود تھے، سعودی عرب نے کمال مہربانی سے پھر 2 ارب ڈالرز دیے۔
وزیراعظم شہباز شریف کا مزید کہنا تھا کہ پاکستان اس وقت بڑے معاشی چیلنج سے گزر رہا ہے، سعودی عرب کے علاوہ متحدہ عرب امارات نے بھی ایک ارب ڈالرز دیے ہیں۔
کار حادثے میں جاں بحق ہونے والے مرحوم وفاقی وزیر مفتی عبدالشکور کو خراج عقیدت پیش کرتے ہوئے وزیراعظم کا کہنا تھا پاکستان کا ایک عظیم مفکر، مفتی اور عظیم شخص رخصت ہوگیا، مفتی صاحب صحیح معنوں میں جے یو آئی کے ماتھے کا جھومر تھے۔
Short Link
Copied
