paksahafat پاک صحافت
Related Articles
لاہور (پاک صحافت) پاکستان مسلم لیگ ن کے رہنما جاوید لطیف نے کہا ہے کہ ہمیں تو صرف آج فیلڈ ملی ہے لیول تو ملا ہی نہیں۔ جاوید لطیف نے کہا کہ جس نے ملک کے لیے سب کچھ کیا اسے کوئی لیول پلیئنگ فیلڈ نہیں دی گئی، ہمارا مطالبہ ہے کہ کسی کی انتخابی مہم نہ چلائی جائے۔
تفصیلات کے مطابق لاہور میں میڈیا سے گفتگو کرتے ہوئے جاوید لطیف نے کہا کہ ہم تو کہتے ہیں سب کے ساتھ انصاف ہونا چاہیے، کیا 2018ء میں ہمارے لیے کسی نے معصوم کا لفظ استعمال کیا تھا، مخالفین الیکشن کو متنازع بنانا چاہتے ہیں۔ انہوں نے کہا کہ الیکشن کے بغیر صرف جمہوریت کا نہیں ملک کا بہت بڑا نقصان ہوجائے گا، آپ کسی کو معصوم کہیں یا گڈ ٹو سی یو مجھے اعتراض نہیں، 9 مئی کو ملکی استحکام اور ریاستی اداروں کو نقصان پہنچایا گیا۔
واضح رہے کہ مسلم لیگ ن کے رہنما نے کہا کہ سوشل میڈیا پر چلا مجھ پر حملہ ہوا لیکن میں بھلا چنگا آپ کے سامنے کھڑا ہوں، کیا اس طرح سوشل میڈیا پر لوگوں کو مہم چلانے کا موقع دیں گے۔ جاوید لطیف نے یہ بھی کہا کہ آپ کے اور میرے پیسوں سے انہیں تنخواہ دی جاتی تھی، آج ان کو تنخواہ کہاں سے دی جا رہی ہے، یہ وہی لوگ ہیں جو اس وقت پاکستان کے خلاف کام کرتے تھے، آج یہی لوگ سوشل میڈیا پر بیانیہ بنا رہے ہیں یہ مقبول ہے، یہ غیر مقبول ہے، ہم جلسے جلوس کر رہے ہیں اور سوشل میڈیا پر ایک مہم جاری ہے۔
