paksahafat پاک صحافت
Related Articles
کوئٹہ (پاک صحافت) بلاول بھٹو کا کہنا ہے کہ ہمیں ایسی سیاست کرنا ہوگی جس میں اتحاد کا سوچیں، تقسیم کا نہیں۔
تفصیلات کے مطابق چیئرمین پیپلز پارٹی بلاول بھٹو زرداری نے پیپلز پارٹی کے 56 ویں یوم تاسیس کے موقع پر کوئٹہ کے ایوب سٹیڈیم میں خطاب کرتے ہوئے کہا ہے کہ ذوالفقار بھٹو نے پاکستان کو آئین دیا اور ایٹمی طاقت بنایا۔ شہید ذوالفقار علی بھٹو نے ڈرائنگ روم کی سیاست کی بجائے عوامی سیاست کی۔ پیپلز پارٹی کی بنیاد بھی انہوں نے ہی رکھی اور نیا طرز سیاست متعارف کروایا۔
بلاول بھٹو کا مزید کہنا تھا کہ آصف زرداری جب صدر تھا تو کوئی کالا کوٹ پہن کر عدالت جا رہا تھا۔ ہمیں ایسی سیاست کرنا ہوگی جس میں اتحاد کا سوچیں، تقسیم کا نہیں۔ ایسا طرز سیاست شروع کرنا چاہتے ہیں جہاں ہماری مخالف کوئی سیاسی جماعت نہیں۔
انہوں نے کہا کہ ملک کو نئی سوچ اور سیاست کی ضرورت ہے۔ پیپلز پارٹی نئی سیاست شروع کرنا چاہتی ہے۔ پیپلز پارٹی کا مقابلہ غربت، مہنگائی سے ہے جس کی وجہ سے عوام پس رہے ہیں۔
