paksahafat پاک صحافت
Related Articles
اسلام آباد (پاک صحافت) توشہ خانہ کی گھڑیاں بیچنے کے بارے میں سابق خاتون اول بشری بی بی کی مبینہ آڈیو لیک ہوگئی ہے۔
تفصیلات کے مطابق سابق وزیراعظم عمران خان کی اہلیہ بشری بی بی اور پی ٹی آئی رہنما زلفی بخاری کی مبینہ آڈیو سامنے آگئی ہے جس میں انہیں گھڑیوں کے بارے میں گفتگو کرتے سنا جاسکتا ہے۔ سوشل میڈیا پر سامنے آنیوالی آڈیو میں فریقین ایک دوسرے کا حال احوال پوچھتے ہیں اور پھر خاتون بولتی ہیں کہ خان صاحب کی کچھ گھڑیاں ہیں۔
ذرائع کے مطابق بشری بی بی مزید کہتی ہیں کہ گھڑیاں آپ کو بھیج دوں، آپ ان کو بیچ وغیرہ دیں کیونکہ ان کے استعمال کی نہیں ہیں۔ وہ چاہتے ہیں کہ آپ کہیں فروخت کردیں تو زلفی بخاری اثبات میں جواب دیتے ہیں اور کہتے ہیں کہ ضرور مرشد، میں کردوں گا۔
Short Link
Copied
