paksahafat پاک صحافت
Related Articles
لاہور (پاک صحافت) سراج الحق کا کہنا ہے کہ گھروں پر حملے کرنا اسلامی کلچر ہے اور نہ ہی سیاسی و جمہوری، سندھ ہاوس پر حملے کی شدید الفاظ میں مذمت کرتے ہیں۔
تفصیلات کے مطابق امیر جماعت اسلامی سراج الحق نے کہا ہے کہ ملکی سیاست بند گلی میں داخل ہوگئی، حکومت اور اپوزیشن کو اپنے رویوں پر نظرثانی کرنا ہوگی۔ ملک جلاو گھیراو کی سیاست کا متحمل نہیں ہو سکتا، جمہوریت کے تسلسل کے لیے ضروری ہے کہ مسائل کا سیاسی و آئینی حل تلاش کیا جائے۔
سراج الحق کا مزید کہنا تھا کہ آئینی حل کے سامنے رکاوٹیں کھڑی کرنا، جمہوری رویوں کی نفی ہے۔ نظریاتی و اصولی سیاست ناپید ہے، سیاسی افراتفری کا نقصان ہمیشہ جمہوریت کے خاتمے کی صورت میں ہوتا ہے۔ سیاست دانوں کے درمیان لگی مفادات کی آگ سے پوری قوم جل رہی ہے۔
Short Link
Copied
