paksahafat پاک صحافت
Related Articles
اسلام آباد (پاک صحافت) وزیر اعظم شہباز شریف نے کہا ہے کہ گزشتہ روز پاکستان کے ذخائر میں 600 ملین ڈالرکا اضافہ ہوا۔ وزیراعظم کا کہنا ہے کہ دوست ممالک کی معاونت سے معاشی اشاریے بہتر ہو رہے ہیں۔
تفصیلات کے مطابق اسلام آباد میں تقریب سے خطاب کرتے ہوئے وزیراعظم شہباز شریف کا کہنا تھا کہکل چین نے پاکستان کو 600 ملین ڈالر رول اوور کیے ہیں۔ وزیراعظم کا کہنا تھا کہ محدود وسائل کے باوجود نوجوانوں نے پاکستان کا نام روشن کیا، نوجوانوں نے کھیل کے میدان میں پاکستان کا جھنڈا پوری دنیا میں بلند کیا ہے، پوری قوم ملک کا نام روشن کرنے والوں کو خراج تحسین پیش کرتی ہے۔
واضح رہے کہ وزیر اعظم شہباز شریف نے تقریب سے خطاب کرتے ہوئے مزید کہاکہ کھیلوں کے شعبےکے لیے 5 ارب روپے مختص کیے ہیں، نوجوانوں کی محنت اور جدوجہد سے پاکستان آگے بڑھےگا، نوجوانوں کے لیے جتنا ممکن ہوسکےگا وسائل فراہم کریں گے، کامیاب کھلاڑیوں کے والدین اور کوچز کو مبارک باد پیش کرتاہوں۔
