paksahafat پاک صحافت
Related Articles
کراچی (پاک صحافت) پاکستان پیپلز پارٹی کے چیئرمین بلاول بھٹوزرداری نے اپنے بیان میں وزیر اعظم عمران خان کو آڑے ہاتھوں لے لیا، پی پی چیئرمین نے وزیر اعظم کی جانب سے کئے گئے وعدوں پر تنقید کرتے ہوئے کہا کہ کھوکھلے حکومتی وعدے کاغذ پر لکھنے کے قابل بھی نہیں ہیں۔ بلاول بھٹو زرداری کا کہنا ہے کہ عمران خان کی وجہ سے ملک میں ناامیدی بڑھ رہی ہے۔
تفصیلات کے مطابق پاکستان پیپلز پارٹی کے چیئرمین بلاول بھٹوزرداری نے جاری اپنے بیان میں پی ٹی آئی حکومت کو آڑے ہاتھوں لیتے ہوئے کہا کہ عوام میں نااُمیدی بڑھ رہی ہے، وجہ 50 لاکھ گھر،1 کروڑ نوکریوں کا وعدہ کرنے والا شخص ہے۔پی پی چیئرمین نے مزید کہا کہ سلیکٹڈ حکومت اور وزیراعظم عمران خان اپنے امیر دوستوں سے فائدہ بٹورنے میں مصروف ہیں۔
واضح رہے کہ پاکستان پیپلز پارٹی کے چیئرمین بلاول بھٹوزرداری نے اپنے بیان میں مزید کہا کہ بہبود کا وعدہ کرنے والوں نے عوام کو بے یارومددگار چھوڑ دیا ہے، قوم موجودہ نااہل اور ناقابلِ قبول حکومت کا بوجھ اُٹھا رہی ہے۔ قوم نااہل حکومت سے جان چھڑانا چاہتی ہے۔
