paksahafat پاک صحافت
Related Articles
لاہور (پاک صحافت) سراج الحق کا کہنا ہے کہ کورونا وائرس، ڈینگی اور موجودہ حکمران پاکستانی قوم کے لئے اللہ تعالی کی طرف سے عذاب ہیں۔
تفصیلات کے مطابق جماعت اسلامی کے امیر سراج الحق نے کہا ہے کہ حکومت آئی ایم ایف اور ورلڈ بینک کی شرائط پر غریب عوام کا خون نچوڑ رہی ہے۔ پیٹرول، گیس، گھی، چینی، آٹا اور ادویات کی قیمتوں کو پر لگ گئے عوام کی پہنچ سے دور ہو گئی۔ ڈالر کی قیمت میں روزانہ اضافے سے عوام مصیبتوں میں گرفتار ہیں۔
سراج الحق کا مزید کہنا ہے کہ نئے پاکستان میں حکومت ہی مافیاز کو سونپ دی گئی ہے۔ وزیراعظم اسی مافیا کی سرپرستی کر رہے ہیں جو ملک کی ترقی میں حائل ہیں۔ پی ٹی آئی حکومت کا چوتھا سال ہے جس میں وہ قوم سے کیے گئے کوئی چار وعدے بھی پورے نہیں کر سکی۔ ملک میں توازن اور اعتدال کی بجائے جھوٹ اور مبالغہ عروج پر ہے جس کی تمام ذمہ داری وزیراعظم اور ان کی ٹیم پر بنتی ہے۔
