paksahafat پاک صحافت
Related Articles
لاہور (پاک صحافت) مریم اورنگزیب کا کہنا ہے کہ سیاسی مخالفین کو انتقام کا نشانہ بنانے والے کالے قوانین بھی پی ٹی آئی کی کالی حکومت کے ساتھ ہی رخصت ہوں گے۔
تفصیلات کے مطابق مسلم لیگ ن کی ترجمان مریم اورنگزیب نے ایک بیان جاری کرتے ہوئے کہا ہے کہ عمران صاحب کے جانے سے ہی پارلیمنٹ کے دروازے پر لگا تالا کھلے گا، عمران صاحب کا خوف ہے کہ پارلیمنٹ کی کرسیاں الٹا دیں، قالین اکھاڑ دیئے، ان شاءاللہ تمام کالے قوانین کو بھی اسی طرح اکھاڑ کر پھینکیں گے۔
مریم اورنگزیب کا مزید کہنا ہے کہ سیاہ حکومت سیاہ قوانین سے عدم اعتماد سے بچ نہیں سکتی۔ عمران صاحب جتنی مرضی کرسیاں الٹائیں، قالین اکھاڑیں، کالے قانون جاری کریں، آپ کی کرسی الٹنے سے نہیں بچ سکتی۔ حکومت اتنی خوفزدہ ہے کہ پارلیمنٹ کو مفلوج بنا کر رکھ دیا ہے۔
Short Link
Copied
