paksahafat پاک صحافت
Related Articles
لاہور (پاک صحافت) حافظ حمداللہ نے کہا ہے کہ پاکستان ڈیموکریٹک موومنٹ اس وقت پاکستانی عوام کی حقیقی ترجمان جماعت ہے۔ مسائل و مشکلات میں گھری عوام کی نظریں پی ڈی ایم کی طرف ہیں۔
تفصیلات کے مطابق نجی ٹی وی چینل کے پروگرام میں گفتگو کرتے ہوئے جمعیت علمائے اسلام ف کے رہنما حافظ حمداللہ نے کہا ہے کہ پی ڈی ایم بائیس کروڑ پاکستانی عوام کی آواز اور ترجمان بن چکی ہے۔ مہنگائی، بے روزگاری اور مختلف مسائل کا شکار عوام ہماری طرف دیکھ رہی ہے۔ موجودہ حکومت سے ملک و قوم کو نجات دلائے بغیر تعمیر و ترقی ممکن نہیں۔
حافظ حمداللہ کا مزید کہنا تھا کہ پی ڈی ایم کو توڑنے کی کوئی سازش کامیاب نہیں ہوگی کیونکہ عوام کیلئے اس کے رہنماوں نے جیلیں کاٹی ہیں اور کوڑے بھی کھائے ہیں۔ مولانا فضل الرحمن پیپلزپارٹی سے ناراض نہیں اختلاف رائے ہر جماعت کا حق ہے۔
Short Link
Copied
