paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ پاکستان ڈیموکریٹک موومنٹ کوئی جماعت نہیں بلکہ حکومت کے خلاف اپوزیشن جماعتوں کا اتحاد ہے۔ پیپلزپارٹی کے بغیر یہ اتحاد نہیں چل سکتا۔
تفصیلات کے مطابق پیپلزپارٹی کی رہنما شازیہ مری نے کہا ہے کہ اگر اسمبلیوں سے استعفے اتنے ضروری تھے تو مسلم لیگ ن ابھی تک اسمبلی میں کیوں بیٹھی ہے۔ پی ڈی ایم کو اپوزیشن پارٹیوں کے خلاف استعمال کرنے کی مسلم لیگ نون کو وضاحت دینی ہوگی۔ پیپلزپارٹی کے بغیر ن لیگ استعفے دینے کو تیار نہیں ہے۔
شازیہ مری کا مزید کہنا ہے کہ پی ڈی ایم اجلاس میں سوال کریں گے اپوزیشن اتحاد کی مخصوص جماعتوں کا خفیہ اجلاس کیوں بلایا گیا۔ اگر مسلم لیگ نون پی پی پی کے خلاف چارج شیٹ لائے گی تو ہمارے پاس بھی ن لیگ کے لیے چارج شیٹ ہے۔ پیپلزپارٹی نے سینیٹ میں اکثریتی جماعت ہونے کی حیثیت میں اپنا اپوزیشن لیڈر منتخب کرایا، یہ کوئی جرم نہیں ہے۔
