paksahafat پاک صحافت
Related Articles
کراچی (پاک صحافت) پاکستان پیپلز پارٹی نے مطالبہ کیا ہے کہ اپوزیشن اتحاد پاکستان ڈیمو کریٹک موومنٹ (پی ڈی ایم) توڑنے والوں کا بے نقاب کیا جائے۔ ذرائع کے مطابق پیپلز پارٹی کے سی ای سی اجلاس میں فیصلہ کیا گیا ہے کہ استعفے دیں گے اور نہ ہی پی ڈی ایم چھوڑیں گے۔
تفصیلات کے مطابق پاکستان پیپلز پارٹی کے چیئرمین بلاول بھٹو زرداری کی زیرصدارت سینٹرل ایگزیکٹو کمیٹی کا اجلاس ہوا ۔ جس کے دوران کمیٹی نے فیصلہ کیاہے کہ اسمبلیوں سے استعفے دیں گے نہ پی ڈی ایم چھوڑیں گے۔پی ڈی ایم ہم نے بنائی ہم کیوں چھوڑیں۔ اس موقع پر ارکان نے رائے دیتے ہوئے کہا کہ پی ڈی ایم کو فوری طور پر نہ چھوڑا جائے، جو پی ڈی ایم توڑنا چاہتے ہیں انہیں بے نقاب کیا جائے۔
واضح رہے کہ سینٹرل ایگزیکٹو کمیٹی کے اجلاس میں پاکستان ڈیمو کریٹک موومنٹ (پی ڈی ایم) کی جانب سے استعفوں کی تجویز پر تبادلہ خیال کیا گیا، اس کے علاوہ مستقبل میں اپوزیشن کی حکمت عملی پر بھی غورکیاگیا۔ ذرائع کے مطابق بلاول ہاوس میں پی پی سی ای سی اجلاس میں پی ڈی ایم کاشوکاز نوٹس بھی زیربحث آیا۔
