paksahafat پاک صحافت
Related Articles
لندن (پاک صحافت) پی ٹی آئی کے ناراض اور باغی رہنماوں کی اپوزیشن قائدین سے خفیہ ملاقاتوں کا سلسلہ جاری ہے، تحریک انصاف کے رہنما عبدالعیلم خان کی لندن میں نوازشریف سے ملاقات کا انکشاف ہوا ہے۔
تفصیلات کے مطابق پنجاب کے سابق سینئر وزیر عبدالعلیم خان کی لندن میں نواز شریف کے ساتھ ملاقات کا دعویٰ سامنے آیا ہے۔ نجی ٹی وی چینل نے انکشاف کیا ہے کہ عبدالعلیم خان نے لندن میں نوازشریف سے ملاقات کی ہے جو کہ تقریباً 3 گھنٹوں سے زائد جاری رہی۔
ذرائع کے مطابق اس ملاقات میں نواز شریف کے بیٹے اور سمدھی اسحاق ڈار بھی شریک ہوئے۔ یہ انتہائی اہمیت کی حامل ملاقات بدھ کے روز ہوئی۔ جس میں ملکی سیاسی صورت حال پر دونوں رہنماوں نے تبادلہ خیال کیا ہے۔ یاد رہے کہ عبدالعلیم خان نے چند روز قبل جہانگیر ترین کی رہائش گاہ پر ترین گروپ کے اجلاس میں شرکت کرنے کے بعد گروپ میں شمولیت کا اعلان کیا تھا۔
