paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ نیب آرڈیننس پی ٹی آئی حکومت کے وزراء اور مشیروں کو قانونی کارروائی سے بچانے کا منصوبہ ہے جس کے تحت پنڈورا پیپرز میں شامل افراد کو بچانا ہے۔
تفصیلات کے مطابق پیپلزپارٹی کی ترجمان شازیہ مری نے کہا ہے کہ نیب آرڈیننس کے ذریعے چیئرمین نیب کی مدت میں توسیع آئین اور قانون کی توہین ہے، ایسی کون سی مجبوری یا ایمرجنسی ہے جو آرڈیننس کے ذریعے توسیع دی جا رہی ہے۔
رہنما پی پی پی شازیہ مری کا مزید کہنا تھا کہ موجودہ چیئرمین نیب حکومتی وزراء اور مشیروں کو ریلیف دے کر متنازع ہوچکے ہیں۔ عمران خان کا ہیلی کاپٹر کیس، مالم جبہ اسکینڈل، پشاور بی آر ٹی، راولپنڈی رنگ روڈ سمیت کسی اسکینڈل پر کوئی ایکشن نہیں ہوا اور آرڈیننس کے ذریعے پنڈورا پیپرز میں شامل حکومتی ارکان کو ریلیف دینے کی تیاری ہے۔
Short Link
Copied
