paksahafat پاک صحافت
Related Articles
لاہور (پاک صحافت) شہباز شریف کا کہنا ہے کہ تحریک عدم اعتماد لانے کا مقصد عوام کو آئے روز بڑھتی ہوئی مہنگائی اور بے روزگاری سمیت دیگر مسائل سے نجات دلانا ہے۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے ذرائع ابلاغ کے نمائندوں سے گفتگو کرتے ہوئے کہا ہے کہ تحریک عدم اعتماد ذاتی خواہشات کیلئے نہیں بلکہ عوامی خواہشات کے تحت لے کر آئے ہیں، ہر روز عوام پر بجلی اور پیٹرول کی قیمت بجلی بن کر گر رہی ہے۔
شہباز شریف کا مزید کہنا تھا کہ عمران خان ہر جگہ ملکی مفاد کو نقصان پہنچا رہے ہیں۔ حکومت نے بھونڈے طریقے سے پارلیمنٹ لاجز سے جے یو آئی ف کے دو ایم این اے گرفتار کیے۔ ایک سوال کے جواب میں ان کا کہنا تھا کہ میرا لیڈر نواز شریف ہے جو وہ کہیں گے مسلم لیگ ن اسی پر عمل کرے گی۔
Short Link
Copied
