paksahafat پاک صحافت
Related Articles
کراچی (پاک صحافت) پاکستان پیپلز پارٹی کے رہنما امیتاز شیخ نے کہا ہے کہ سندھ میں پیپلز پارٹی کے خلاف بننے والا اتحاد پانی کا بلبلہ ہے۔ اُنہوں نے کہا کہ پیپلز پارٹی کی مقبولیت سے خوفزدہ یہ جماعتیں عام انتخابات سے راہ فرار اختیار کر رہی ہیں۔
تفصیلات کے مطابق امتیاز شیخ کا اپنے بیان میں کہنا ہے کہ عام انتخابات میں عوام اس اتحاد کو ایک مرتبہ پھر پارہ پارہ کر دیں گے۔ اُنہوں نے سوال کیا کہ طوفانی سیلاب اور کورونا میں یہ جماعتیں کس کونے میں چھپی ہوئی تھیں؟ سندھ کے عوام ان مطلب پرست جماعتوں کے کردار سے بخوبی واقف ہیں۔ امتیاز شیخ نے کہا کہ سندھ کے ہزاروں نوجوان ان جماعتوں کی وجہ سے آج بے روزگاری کا شکار ہیں۔
واضح رہے کہ امتیاز شیخ نے کہا کہ الیکشن کمیشن فوری طور پر عام انتخابات کی تاریخ کا اعلان کرے، مخالفین کو الیکشن کمیشن، سرکاری ملازمین سمیت الیکشن اسٹاف تک پر اعتماد نہیں ہے۔ اُنہوں نے کہا کہ ملک کی معاشی خوشحالی اور غربت بیروزگاری کا مستقل حل صرف پیپلز پارٹی کے پاس ہے، آئندہ اقتدار میں آکر بیروزگار نوجوان نسل کے لیے روزگار کے دروازے کھول دیے جائیں گے۔
