paksahafat پاک صحافت
Related Articles
راولپنڈی (پاک صحافت) آرمی چیف کا کہنا ہے کہ پاک فوج ہر جارحیت کو ناکام بنانے کیلئے پوری طرح تیار ہے۔
پاک فوج کے شعبہ تعلقات عامہ آئی ایس پی آر کے مطابق پاک فضائیہ کے آپریشنل بیس پر انڈکشن اینڈ آپریشنلائزیشن کی تقریب سے خطاب کرتے ہوئے آرمی چیف جنرل عاصم منیر نے کہا ہے کہ پاک فضائیہ خطے میں طاقت کے توازن کو یقینی بنانے میں اہم کردار ادا کر رہی ہے۔
جنرل عاصم منیر کا مزید کہنا تھا کہ غزہ متاثرین کےلیے امدادی سامان کی نقل و حمل میں پاک فضائیہ کی کوششیں قابلِ تعریف ہیں۔ بیس آمد پر ایئر چیف مارشل ظہیر احمد بابر سدھو نے آرمی چیف کا استقبال کیا اور پاک فضائیہ کے چاق و چوبند دستے نے آرمی چیف کو گارڈ آف آنر پیش کیا۔
تقریب سے خطاب میں ایئر چیف مارشل ظہیر احمد بابر سدھو نے پی اے ایف کے نئے شامل کیے گئے ہتھیاروں کا ذکر کیا۔ انہوں نے جے 10 سی لڑاکا طیاروں، ایئرموبلٹی پلیٹ فارمز، جدید ریڈارز، بغیر پائلٹ فضائی نظام اور لانگ رینج ویکٹرز کا ذکر کیا۔
