paksahafat پاک صحافت
Related Articles
اسلام آباد (پاک صحافت) وزیر منصوبہ بندی احسن اقبال کا کہنا ہے کہ اس وقت پاکستان کا سب سے بڑا مسئلہ معاشی ترقی ہے، جس ملک کی معیشت مستحکم نہ ہو وہ ترقی نہیں کرسکتا۔
تفصیلات کے مطابق وزیر منصوبہ بندی احسن اقبال نے معیشت کے حوالے سے منعقدہ کانفرنس سے خطاب کرتے ہوئے کہا ہے کہ اس ملک کا مستقبل برآمدات سے وابستہ ہے اور زور دے کر کہا کہ ملک کو ترقی کی راہ پر گامزن کرنے کے لیے برآمدات کی قیادت میں نمو اہم ہے۔
وزیر منصوبہ بندی احسن اقبال کا مزید کہنا تھا کہ ہمیں بین الاقوامی مارکیٹ کی طلب کو مدنظر رکھتے ہوئے مصنوعات اور خدمات کو تیار کرنا ہوگا۔ چیمبرز آف کامرس اینڈ انڈسٹریز کو برآمدات بڑھانے کے مقصد سے خصوصی مراکز قائم کرنے چاہئیں۔ انہوں نے کہا کہ ترقی کے ایجنڈے کو آگے بڑھانے کے لیے سیاسی استحکام اور پالیسیوں کا تسلسل ناگزیر ہے۔ مشکل فیصلے کرکے اور سیاسی سرمائے کو داؤ پر لگا کر معیشت کو اب مستحکم راستے پر ڈال دیا گیا ہے۔
