paksahafat پاک صحافت
Related Articles
لاہور (پاک صحافت) پاکستان مسلم لیگ ن کے صدر اور قومی اسمبلی میں قائد حزب اختلاف میاں شہباز شریف نے سابق چیف جسٹس ریٹائرڈ ثاقب نثار کی مبینہ آڈیو سامنے آنے پر ردعمل کا اظہار کرتے ہوئے کہا ہے کہ وقت آگیا ہے کہ غلطیوں کو درست کیا جائے، قوم انصاف کی منتظر ہے۔
تفصیلات کے مطابق ن لیگ کے صدر شہباز شریف نے سماجی رابطے کی مقبول سائٹ ٹوئٹر پر جاری بیان میں ثاقب نثار کی آڈیو سامنے آنے کے بعد اپنے ردعمل کا اظہار کرتے ہوئے کہا ہے کہ نواز شریف اور مریم نواز کو سیاسی عمل سے باہر رکھنے کے لیے اسکیم بنائی گئی، اس اسکیم کا پتہ سابق چیف جسٹس ثاقب نثارکی آڈیو کلپ سے لگتا ہے۔
واضح رہے کہ سابق چیف جسٹس سپریم کورٹ آف پاکستان جسٹس (ر) ثاقب نثار سے منسوب نئی مبینہ آڈیو سامنے آگئی، جس میں وہ نواز شریف کو سزا دلوانے کی ہدایات دے رہے ہیں، اسکے علاوہ آڈیو ٹیپ میں وہ مبینہ طور پر یہ بھی تسلیم کر رہے ہیں کہ مریم نواز کو سزا دینی ہو گی اگرچہ مریم نواز کے خلاف کوئی کیس نہیں۔
