paksahafat پاک صحافت
Related Articles
اسلام آباد (پاک صحافت) پی ٹی آئی کی وفاقی کابینہ نے ایک اور عوام دشمن اقدام اٹھاتے ہوئے پیٹرولیم مصنوعات کی قیمتوں میں مزید اضافے کی منظوری دے دی ہے۔
تفصیلات کے مطابق وفاقی کابینہ نے پٹرولیم مصنوعات کی مد میں عوام پر اضافی بوجھ ڈالنے کی منظوری دیدی ہے۔ کابینہ نے فی لیٹر پٹرول پر او ایم سی، ڈیلرز مارجن ایک روپے 70 پیسے بڑھانے کی منظوری دیدی۔ پی ٹی آئی حکومت نے ایک دفعہ پھر عوام پر پٹرول بم گرا دیا۔ ڈیلرز مارجن کی مد میں کابینہ کی اقتصادی رابطہ کمیٹی نے اضافے کی منظوری پہلے ہی دیدی ہے۔
ذرائع کے مطابق وفاقی کابینہ نے پیٹرول پر او ایم سی مارجن 2 روپے97 پیسے سے بڑھاکر 3 روپے68 پیسے کرنے جبکہ ہائی اسپیڈ ڈیزل پر او ایم سی مارجن 2 روپے97 پیسے سے بڑھا کر 3 روپے 68 پیسے کرنے کی منظوری دے دی ہے۔
Short Link
Copied
