paksahafat پاک صحافت
Related Articles
کراچی (پاک صحافت) شرجیل میمن کا کہنا ہے کہ وفاقی حکومت چاہے تو الیکشن کمیشن کے فیصلے کے بعد عمران خان کو گرفتار کر سکتی ہے، اب مزید جھوٹ کا بیانیہ نہیں چلے گا۔
تفصیلات کے مطابق وزیر اطلاعات سندھ شرجیل میمن نے کہا ہے کہ عمران خان نے ملک میں جھوٹا بیانیہ بنانے کی کوشش کی، عمران خان کو نوجوانوں کو سڑکوں پر لانے کا شوق ہے تو پہلے اپنے بیٹوں کو لائیں، وہ اپنے بچوں کو برطانیہ میں محفوظ کرکے بیٹھے ہیں، عمران خان کو تحریک چلانے کا شوق ہے تو خود اور اپنے بچوں کو سڑکوں پر لائیں۔
شرجیل میمن کا مزید کہنا ہے کہ عمران خان آج بھی چاہتے ہیں کہ ملک میں انارکی پھیلے، انہوں نے غیرملکی کمپنیوں سے فنڈنگ لی، 34 غیرملکی افراد سے فنڈنگ لی، پی ٹی آئی کو چاہیے تھا الیکشن کمیشن کو ملنے والے شواہد کا دفاع کرتی، کب تک پاکستانی عوام کو بیوقوف بناتے رہیں گے، عمران خان نے عوام اور الیکشن کمیشن سے چیزیں چھپائیں، عمران خان نے غلط سرٹیفکیٹ اداروں کو فراہم کیے، آج بھی وفاقی حکومت نرمی سے کام لے رہی ہے۔
