paksahafat پاک صحافت
Related Articles
اسلام آباد (پاک صحافت) وفاقی وزیر داخلہ رانا ثناءاللہ نے پی ٹی آئی رہنما شہباز گل کے ساتھ کسی بھی قسم کی زیادتی کی سختی سے تردید کردی ہے۔
تفصیلات کے مطابق وفاقی وزیر داخلہ رانا ثناءاللّٰہ نے کہا ہے کہ شہباز گل سے کسی قسم کی کوئی زیادتی نہیں ہوئی ہے۔ پمز ہسپتال یا ریڈ زون پر حملہ کرنے کی کوشش کی تو قانونی کارروائی ہوگی۔ کسی کو امن و امان خراب کرنے کی اجازت کسی صورت نہیں دیں گے۔
وزیر داخلہ رانا ثناءاللہ کا مزید کہنا ہے کہ شہباز گل صرف ڈرامے بازی کر رہے ہیں، ان پر تشدد نہیں کیا گیا۔ اگر یہ سمجھتے ہیں کہ کسی نے کوئی زیادتی کی ہے تو اُس کے خلاف درخواست دیں۔ انہوں نے کہا کہ عمران خان کو معلوم ہے توشہ خانہ اور فارن فنڈنگ کا فیصلہ آنے والا ہے، اس لئے وہ جھوٹا پروپیگنڈا کررہے ہیں۔
Short Link
Copied
