paksahafat پاک صحافت
Related Articles
اسلام آباد (پاک صحافت) وزیراعظم شہباز شریف نے شام کے ہم منصب حسین آرنوس سے ٹیلی فونک رابطہ کیا اور زلزلے میں اہلخانہ کی ہلاکت پر اظہار افسوس کیا ہے۔
تفصیلات کے مطابق اس موقع پر وزیراعظم شہباز شریف کی جانب سے زلزلے میں جاں بحق ہونے والے افراد کے لیے دعا مغفرت اور سوگواران کے لیے صبر جمیل کی دعا کی گئی۔ وزیراعظم کا کہنا تھا کہ مشکل کی گھڑی میں شامی بھائیوں کی ہر ممکن مدد کریں گے، امدادی سامان پر مشتمل طیارہ شام جا چکا ہے، جلد امدادی ٹرک بھی روانہ کیے جائیں گے۔
واضح رہے کہ شام میں آنے والے زلزلے میں شامی وزیراعظم کی ہمشیرہ، بچے اور پوتے پوتیاں جاں بحق ہوگئیں تھیں۔
Short Link
Copied
