paksahafat پاک صحافت
Related Articles
اسلام (پاک صحافت) وفاقی وزیر اطلاعات مریم اورنگزیب نے کہا ہے کہ وزیراعظم چاہتے ہیں فوری طور پر مہنگائی کم کی جائے۔ انہوں نے کہا کہ وزیر اعظم شہباز شریف منصب سنبھالنے کے بعد پاکستان کے عوام کو ریلیف کی فراہمی کیلئے کوشاں ہیں۔
تفصیلات کے مطابق وفاقی وزیر اطلاعات و نشریات مریم اورنگزیب نے پریس کانفرنس کرتے ہوئے کہا کہ عوام جس طرح کے حالات سے چار سال سے گزری وہ سب کو پتا ہے، شہباز شریف نے کہا کہ رمضان میں آٹے کا تھیلا 150 روپے سستے میں ملے گا، چینی پانچ روپے کم میں ملے گی۔
واضح رہے کہ پریس کانفرنس کے دوران انہوں نے مزید کہا کہ وزیر اعظم کی زیرِ صدارت پہلی کابینہ کی 8 نکاتی میٹنگ ہوئی، وزیراعظم چاہتے ہیں فوری طور پر مہنگائی کم کی جائے۔انہوں نے یہ بھی کہا کہ حکومتی اتحادیوں کی اولین ترجیح ہے کہ عوام کو ہر ممکن ریلیف فراہم کیا جائے۔ خیال رہے کہ صوبائی چیف سیکریٹریز کی میٹنگ میں وزیر اعظم نے آٹے اور چینی کی سپلائی میں تعطل نہ آنے کی ہدایت کی ہے۔
