paksahafat پاک صحافت
Related Articles
سوات (پاک صحافت) وزیراعظم شہباز شریف نے سیلاب سے متاثرہ علاقوں کالام اور کانجو کا تفصیلی دورہ کیا ہے، ان علاقوں میں پھنسے سیاحوں کو فوری وہاں سے نکالنے کا حکم دیا۔
تفصیلات کے مطابق وزیراعظم شہباز شریف خیبرپختونخوا کے سیلاب سے متاثرہ علاقے کالام اور کانجو پہنچے جہاں انہوں نے سیاحوں سے ملاقات کی۔ وزیراعظم نے ہیلی کاپٹر فراہم کرتے ہوئے سیاحوں کو فوری محفوظ مقامات پر منتقل کرنے کی ہدایت کی اور سڑکوں کی ہنگامی بنیادوں پر بحالی کا حکم دیا۔
اپنے دورے کے دوران وزیراعظم شہباز شریف نے سیلاب سے ہونے والے نقصان، امدادی اور بحالی کے کاموں پر بریفنگ بھی لی، وزیراعظم کو بتایا گیا کہ سیلاب سے شاہرات، پل، ہوٹل اور گھر متاثر ہوئے ہیں، کانجو میں 22 افراد سیلاب کی نذر ہوئے، بھاری مشینری سے شاہرات کی بحالی کیلئے آپریشن جاری ہے۔
Short Link
Copied
