paksahafat پاک صحافت
Related Articles
کراچی (پاک صحافت) سندھ کے گورنر کامران ٹیسوری نے کہا ہے کہمیں منتظر ہوں، آج میں 10 ہزار شہریوں کی مہمان نوازی کروں گا۔ انہوں نے بتایا کہ 10 ہزار سے زائد کرسیاں گورنر ہاؤس میں لگائی گئی ہیں، ٹیسٹ چیک کرنے والی مشین بھی پہنچا دی گئی ہے۔
تفصیلات کے مطابق نجی ٹی وی چینل سے گفتگو کرتے ہوئے کامران ٹیسوری نے کہا کہ کامیاب ہونے کے بعد امیدوار ملک کی خدمت کریں گے، 5 لاکھ سے زائد طلبا گورنر ہاؤس میں ٹیسٹ دیں گے۔ ان کا کہنا ہے کہ ایشیا میں اتنے بڑے پیمانے پر کبھی ٹیسٹ نہیں ہوا، مفت ٹیسٹ لیے جا رہے ہیں، کسی سے کوئی معاوضہ نہیں لیا جا رہا ہے۔ کامران ٹیسوری نے کہا کہ آئی ٹی ٹیسٹ میں حکومتی فنڈ نہیں لگ رہا۔
واضح رہے کہ دوسری جانب گورنر ہاﺅس کے ترجمان کا کہنا ہے کہ کراچی میں گورنر ہاﺅس سندھ میں آج ہونے والے آئی ٹی ٹیسٹ کی تیاریاں مکمل کر لی گئیں۔ ترجمان کا کہنا ہے کہ 10 ہزار نوجوان ٹیسٹ کے لیے آج گورنر ہاؤس آئیں گے۔ گورنر ہاﺅس کے ترجمان نے یہ بھی کہا ہے کہ گورنر ہاﺅس کے باہر سیکیورٹی اور ٹریفک انتظامات کو بھی حتمی شکل دے دی گئی ہے۔
