paksahafat پاک صحافت
Related Articles
کراچی (پاک صحافت) پیپلز پارٹی کے سینئر رہنما منظور وسان نے شیخ رشید، فواد چوہدری اور بشری بی بی سے متعلق نئی پیشگوئی کردی ہے۔
تفصیلات کے مطابق پیپلز پارٹی کے سینئر رہنما و مشیر زراعت سندھ منظور وسان سے صحافی نے سوال کیا کہ وسان صاحب سنا ہے کہ بشری بی بی بھی عمران خان کا ساتھ چھوڑنے والی ہے؟ اس پر ان کا کہنا تھا کہ 80 فیصد امکانات ہیں کہ بشری بی بی عمران خان کا ساتھ چھوڑ جائے گی۔ ایسے حالات بھی ہوتے ہیں کہ بیوی شوہر کو چھوڑ دیتی ہے۔
منظور وسان نے کہا کہ پاکستان تحریک انصاف (پی ٹی آئی) چھوڑنے والے کافی لوگ پی پی پی میں آرہے ہیں ان کو پتہ ہے کہ اب مستقبل پاکستان پیپلز پارٹی (پی پی پی) اور بلاول بھٹو کا ہے۔ شیخ رشید کا کوئی مستقبل نہیں ہے، گرفتاری سے بچنے کے لیے بیماری کا کوئی بہانہ بنا کر ہاسپٹیلائز ہوں گے۔
انہوں نے کہا کہ فواد چوہدری پرانا جیالہ ہے، وہ واپس اپنی پرانی پارٹی پی پی پی میں ہی آئے گا۔ فواد ہمارا تھا اور ہمارا ہی رہے گا۔
