paksahafat پاک صحافت
Related Articles
لاہور (پاک صحافت) شہباز شریف کا کہنا ہے کہ ملک کو معاشی تباہی کے گڑھے سے پھر نکالیں گے۔
تفصیلات کے مطابق سابق وزیراعظم اور پاکستان مسلم لیگ (ن) کے صدر شہبازشریف سے پارٹی رہنماؤں کی ملاقات ہوئی، جس میں نائب صدر ن لیگ حمزہ شہبازشریف بھی میں موجود تھے، ملاقات میں 21 اکتوبر کی تیاریوں کا جائزہ لیا گیا، قائد ن لیگ نوازشریف کے استقبال کے انتظامات پر تبادلہ خیال کیا گیا۔
اس موقع پر گفتگو کرتے ہوئے صدر ن لیگ شہباز شریف نے کہا ہے کہ وزیراعظم نوازشریف کی قیادت میں عوام کی امیدوں کو پھر پورا کریں گے، ملک کو معاشی تباہی کے گڑھے سے پھر نکالیں گے، نوازشریف کی قیادت میں پھر سب ٹھیک کریں گے، پھر ثابت کریں گے کہ سب ٹھیک ہوسکتا ہے۔
انہوں نے کہا کہ 21 اکتوبر وعدوں کی تکمیل کے نئے دور کا آغاز ہے، دن رات جس طرح رہنما اور کارکن جذبے سے کام کررہے ہیں وہ قابل تحسین ہے۔
