paksahafat پاک صحافت
Related Articles
صوابی (پاک صحافت) امیرمقام کا کہنا ہے کہ ملک کو درپیش موجودہ مسائل کا حل صرف مسلم لیگ ن اور اس کی اعلی قیادت کے پاس موجود ہے۔ ن لیگ ہی پاکستان کو مسائل کے دلدل سے نکال سکتی ہے۔
تفصیلات کے مطابق مسلم لیگ ن خیبرپختونخواہ کے صدر امیرمقام نے صوابی میں ایک تقریب سے خطاب کرتے ہوئے کہا ہے کہ بہت جلد پی ٹی آئی اور عمران خان کی حکومت کا خاتمہ ہونے والا ہے اور آنے والا دور مسلم لیگ ن کا ہے۔ موجودہ حکومت سے نہ صرف سرکاری ملازمین، تاجر، ڈاکٹرز، عوام بلکہ خود پی ٹی آئی کے اپنے ورکرز بھی نالاں ہیں۔
امیرمقام کا مزید کہنا تھا کہ ملک میں غریبوں کو ایک وقت کی روٹی ملنا بھی مشکل ہو تو عوام کے مشکلات میں مزید اضافہ ہوتا جائے گا کیونکہ موجودہ حکومت آئے روز نہ صرف پیٹرول، ڈیزل اور گیس کی قیمتوں میں دس دس روپے اضافہ کر رہی ہے بلکہ آٹا، چینی اور دیگر ضروریات زندگی کی قیمتوں میں دن بدن اضافہ کر کے غریبوں کی زندگی اجیرن بنا رکھی ہے۔
