paksahafat پاک صحافت
Related Articles
کراچی (پاک صحافت) فیصل سبزواری کا کہنا ہے کہ کراچی کو پسماندہ رکھنے کے لئے مردم شماری میں جان بوجھ کر غلط اعداد و شمار جاری کئے گئے ہیں۔
تفصیلات کے مطابق متحدہ قومی موومنٹ کے رہنما سینیٹر فیصل سبزواری نے سیو کراچی کانفرنس سے خطاب کرتے ہوئے کہا ہے کہ حکومت کے اپنے کاغذات کے مطابق جہاں ایک آدمی نہیں رہتا وہاں 300 ووٹ ہیں۔ نئی مردم شماری کا اعلان کروا چکے ہیں، وقت سے پہلے مردم شماری کی جائے۔
رہنما ایم کیو ایم فیصل سبزواری کا مزید کہنا تھا کہ گزشتہ سال کارپوریٹ پاکستان گروپ کے چارٹر آف کراچی سے سو فیصد اتفاق کرتے ہیں، چارٹر آف کراچی میں ضلعی حکومتوں کی حمایت کی گئی۔ انہوں نے کہا کہ صوبائی حکومت نے ضلعی حکومت کے بجائے لوکل باڈی کا قانون دیا، سیوریج اور سڑکوں کی مرمت کا اختیار صوبائی محکمہ بلدیات کے پاس ہے۔
Short Link
Copied
