paksahafat پاک صحافت
Related Articles
لاہور (پاک صحافت) حسن مرتضی کا کہنا ہے کہ لال حویلی کا ٹھگ شیخ رشید اپوزیشن اتحاد سے بوکھلا کر اوٹ پٹانگ بیانات دے رہا ہے، جلد سب کو بسترا گول کرکے گھر جانا ہوگا۔
تفصیلات کے مطابق پیپلزپارٹی وسطی پنجاب کے جنرل سیکریٹری اور پارلیمانی لیڈر سید حسن مرتضی نے کہا ہے کہ 22 کروڑ عوام کو مزید حکومتی ذلت کا شکار نہیں ہونے دیں گے۔ ایک سواری والی جماعت کا سربراہ اپنے قد بت کے مطابق بات کرنے کی عادت اپنائے، اصل میں آصف زرداری کے خلاف بکنے والے کسی کو منہ دکھانے کے لائق نہیں رہیں گے۔
حسن مرتضی کا مزید کہنا ہے کہ اپوزیشن کو چیلنج کرنے سے قبل پہلے وزیر داخلہ اپنے گھر کی خبر لیں، عمران سیاسی ڈرون کیا مارے گا، وہ اب اپنی موت آپ مر رہا ہے۔ انہوں نے کہا کہ حکومت کے مہمان اداکار بستر باندھیں اور اپنے اپنے گھر کی راہ لیں، عوامی لانگ مارچ کا ریلہ، حکومتی میلہ بہا کے لے جائے گا۔
